“ஆசையே அலை போலே..” என்று என் கைபேசி பாட தூக்கம் கலையாமல் அதை எடுத்தேன்..

 ஹலோ வினோத்..

 ஆமாங்க

 யாரு பேசறேன்னு தெரியுதா ??

 கண்டுப்பிடிக்கறேன்.. நான் கேக்கற கேள்விக்கு பதில் சொல்லுங்க..

 சரி கேளுங்க .. 

நீங்க வழக்கமா எத்தன மணிக்கு எழுந்திருபீங்க

 ஆறரை மணி 

 அப்ப நான் அலாரம் வெச்சு எழுந்து அஞ்சரை மணிக்கு கால் பண்ணறேன்.. நீங்க கண்டுபிடீங்க.. ஓகே வா ??

 அய்யய்யோ சாரி.. நீங்க தூங்கிட்டி இருந்தீங்களா..

 “இல்லங்க நீச்சல் அடுசுட்டு இருக்கேன்.. இருங்க கரை ஒதுங்கிக்கறேன்!”

 நான் வேணா அப்புறம் கூப்பிடட்டா..

 வேண்டாங்க எழுந்துட்டேன்.. என்னோட அத்த பொண்ணு கூட டூயட் பாடிட்டு இருந்தேன், அப்ப பாத்து எழுப்பி விட்டுடீங்க அந்த கடுப்பு தான்.. 

 ஹி ஹி.. வெரி சாரி ங்க.. உங்க அத பொண்ணு பேரு என்ன ??

 ஹ்ம்ம்.. தேனி குஜலாம்பாள்.. உங்க பேர மொதல்ல சொல்லுங்க..

 நான் உங்க அத்த பொண்ணுதான்.. ஆனா குஜலாம்பாள் இல்ல.. விமலா

 (படுத்துக்கொண்டு இருந்த நான் படார் என்று எழுந்து உக்காந்தேன்..) “ய்ய்.. யாரு”

 ஹி ஹி ஹி .. வேணும்னா டூயட் கன்ட்டிநியூ செய்யலாமா ?? 

நிஜமா விமலா தான் பேசறதா ??

 அட ஆமாப்பா.. நம்பு..

 நானும் நீயும் டூயட் பாடுனா அருண் என்ன செய்வான் ?

 ஹே.. ஞாபகம் இருக்கா? சின்ன வயசுல நானும் அவனும் சேந்து விளையாடுனது பிடிக்காம நீ என்ன அடுச்சு.. நான் அழுது.. உங்க அம்மா அத பாத்து உன்ன அடிக்க.. எங்க அப்பா என்ன போட்டு அடிக்க.. ஒரே பாச மழை இல்ல?

 திருத்தம்.. அது நீங்க சேந்து விளையாண்டதுக்கு அடிக்கல.. நீங்க ரெண்டு பேரும் சேந்து என்ன பிஸ்கட் தராம கடுப்படுச்சீங்க..

 ஆமா.. உன்ன கடுப்படிக்கறது தான் எங்க விளையாட்டு.. 

நாம அப்ப தான் கடைசியா பாத்தோம்.. இல்ல??

ஆமா.. அப்புறம் நாங்க பாம்பே போய்டோம்.. நான் அத்தை கிட்ட பேசுவேன்..நீ என்ன மறந்துட்டியா?

 அது எப்படி மறக்க முடியும்? நீ தான் என் காலுல மார்க் போட்டுட்டு போயிருக்கியே?

 நான் உன்னக்கு மார்க் போட்டனா? அப்படியே போட்டாலும் பெயில் மார்க் தான் போடுவேன்.. ஹி ஹி!

 மொக்க மொக்க..  அன்னிக்கு உங்க அப்பா உன்ன அடிக்க ஏதோ எடுத்தாரு நான் குறுக்கால வந்து தடுத்தப்போ அதுல இருந்த ஆணி கிளுச்சிருச்சு.. ல ல லா.. லல்ல ல ல லா ..

இப்படியே மியூசிக் போடு.. மொதல் நாளே லேட்டா தான் போவ.. நம்ம கம்பெனில எச்.ஆர் எவனும் விக்கரமன் படத்துல வரவங்க மாதிரி இல்ல.. எல்லாம் பேரரசு படத்துல வரவங்க மாதிரி இருப்பாங்க.. நாளைக்கு நான் உனக்கு மியூசிக் போடறேன் “டண்டநக்கா .. டணுக்குனக்கா.. டண்டனக்கா.. “

 ஐயோ.. ஆமா.. பை பை.. இது தான் என் நம்பர் அப்புறம் கால் பண்ணு.. 

************

 ஹலோ..

 சொல்லு டா..

 (டா வா???) சாப்படபோலாம?

போலாமவா? மவனே உனக்காக தான் வைடிங்.. 

 சரி சரி.. வா.. கான்டீன் போலாம்.

என்ன டா கான்டீன் சாப்பாடு இப்படி இருக்கு ??

மொதல் வெளிய சாப்படா எந்த சாப்பாடும் இப்படி தான் இருக்கும்.. போக போக பழக்கம் ஆகிடும்!

சரி பிரேக் போகும்போது கால் பண்ணறேன்.. 

******

ஹலோ.. எனக்கு ட்ரைனிங் முடுஞ்சுது.. 

நானும் என் வேலைய முடிச்சுட்டேன்..

நாம என்ன தகவல் பரிமாற்ற ஒப்பந்தாம போட்டுருக்கோம்.. எனக்கு ட்ரைனிங் முடுஞ்சுருச்சுனா கிளம்பிவா னு அர்த்தம்..  

மாரியாத்தா.. எனக்கு இந்த பொண்ணுங்க கூட எல்லாம் பேசி பழக்கம் இல்ல.. சோ நீ நேராவே சொல்லு..

சீக்கிரம் கெளம்பு..

 ஹாஸ்டல் போக என்ன இவ்வளவு அவசரம் ?

 உனக்கு தெருஞ்ச கெட்ட வார்த்த ரெண்டு மூணு சொல்லிகொடேன்..

 எதுக்கு?

 உன்ன திட்ட தான்..  ஹாஸ்டல் போகவா உன்ன கூப்பிடறேன் ?

 சரி சரி.. இரு வரேன்.. நான் பைக் எடுத்துட்டு வரேன்.. நீ கம்பெனி வாசல்ல நில்லு!

 ***************

 இது என்னங்க அதுக்குள்ள ராத்திரி ரெண்டு ஆகிடுச்சு?? அவள டிராப் செஞ்சுட்டு வரும்போது மணி பத்து.. அதுக்குள்ள நாலு மணிநேரம் ஓடிருச்சு.. இத்தன நேரம் இன்னைக்கு நடந்தத பத்தி மட்டும் நெனச்சுட்டு இருக்கேன்.. நெனச்சது எல்லாம் அவ கூட இருந்த நேரம் மட்டும்!

 நான் இவ்வளவு ப்ரீயா எந்த பொண்ணு கிட்டயும் பேசுனது இல்லங்க.. ரொம்ப சந்தோசமா இருக்கேன்.. இதுக்கு பேரு தான் அதா?? அட விடுங்க வெக்கப்படறேன்.. என்கிட்டே போய் அதுனா எதுன்னு எல்லாம் கேட்டுகிட்டு.. அதே தான்!!

 நாளைக்கு காலைல பசிக்குமா, நைட் தூக்கம் வருமானு த்ரில்லிங்கா இருக்கு.. இந்த தமிழ் படத்துல வேற அது வந்துச்சுனா இது எல்லாம் வரதே. எனக்கு வேற அது வந்து மொதல் நாளா.. அதான் த்ரில்!

 கண்டதும் காதல் வரும் தெரியும்.. இது என்னங்க எனக்கு கண்ட நேரத்துல காதல்?? நான் தூங்க ட்ரை பண்றேன்..

  **********

 ஆசையே அலைபோலே..

 ஹலோ.. சொல்லுங்கம்மா..

 உங்க அத்த பேசுனாங்கப்பா,, சொந்தம் விட்டு போய்டக்கூடாதுனு விமலாவ சொந்தத்துல கட்டி தரலாம்னு இருக்காங்களாம்.. உனக்கு தான் அவளப்பத்தி பேசுனவே சின்ன வயசுல இருந்து பிடிக்காதே.. அதான் அருண் கிட்ட பேச சொல்லீட்டேன்ப்பா,..

 ம்மா.. என்ன பேசவே விடமாடீங்களா.. காலங்காத்தால.. (என்று எரிந்தேன்..)

 சாரிப்பா.. அவள பத்தி பேசுனா உனக்கு பிடிக்காதுன்னு தெருஞ்சும் காலங்காத்தால இத சொல்லீருக்க கூடாது.. அவ உன் நம்பர் கேட்டா.. கொடுத்தேன்.. கூப்டாளா..

 ம்ம்

 சரி.. நான் அப்புறம் கூப்பிடறேன்..

 *********

 “ஆசையே அலைபோலே.. நாமெல்லாம் அதேன் மேலே.. வாழும் நாளில் வாழ்நாளிலே.. வாழ்நாளிலே“

 அதுக்குமேல அந்த பாட்டை கேக்க பிடிக்கல..  விளையாட்டா வெச்ச பாட்டு இப்படி விளையாடுது.. செல்லை அமைதியாக்கி யார் என்று பார்த்தேன் “விமி மை லைப்”  காலிங் என்று வந்தது. அப்படியே வைத்துவிட்டு படுத்தேன்… ஹலோ..

நேத்து தான் இது தான் லைப் னு முடிவு செஞ்சேன்.. இப்ப லைப் எனக்கு இது தான் லைப் னு பாடம் எடுக்குது.. ச்ச. இது தான் லைப்!

 விடவில்லை சளைக்காமல் அஞ்சு கால் வந்தது!!

 இத்தன நேரம் என்ன செஞ்ச ?

 தூங்கிட்டு இருந்தேன்

கனவு காணலையா??

 (மயி..)  எல்லாம் கனவு தான்..

 டூயட்டா  ??

 இல்ல ?

 ஏன் ?? அதான் சொன்னேன் இல்ல.. எல்லாம் கனவு தான்!

 நீ ஏன் தத்துவமா பேசற.. சம் திங் ராங்..  நான் யாரு பேசறேன்னாவது தெரியுதா ?

 விமலா..

 ஹி ஹி.. இங்க தான் ட்விஸ்ட் வெச்சிருக்கோம்.. நான் தேனி குஜலாம்பாள்.. டூயட் பாடலாமா ?

 எப்ப இருந்து பேர மாத்துன?

 இப்ப தான்.. நீ உங்க அம்மா கிட்ட எரிஞ்சு விழுந்ததுல இருந்து..

டிஸ்கி:

நீங்க எப்பவும் டிஸ்கிய கடைசில தான் படிச்சிருப்பீங்க.. புது படத்த டைரக்ட் செய்யப்போறவர மாதிரி சொல்லனும்னா “இது கொஞ்சம் வித்யாசமான ப்ளாக்.. அதான் முதலே டிஸ்கி!!”. இதையே ஏன் கவர்ச்சியா நடிக்கறீங்கனு ஹீரோயின் கிட்ட கேட்டா அவங்க சொல்லற பதில் மாதிரி சொல்லனும்னா “இந்த கதை (ப்ளாக்) க்கு இது தேவை பட்டுது” !!

நீ ஏன் ஒன்னும் எழுதுலனு போன், மெயில், சாட் மூலம் தொடர்பு கொண்டு கேட்டவங்களுக்கு (கெட்டவங்களுக்கு??) இது சமர்ப்பணம்!! கேட்காதவங்களுக்கு அடுத்த பதிவ சமர்ப்பணம் செய்யலாம்னு இருக்கேன்!!

படித்தவுடன் உடைத்துவிடவும்!!

சொல் பேச்சு கேட்காதவங்களுக்கு:</span>

இப்ப சொல்லுங்க தொடர்புகொண்டு கெட்டவங்கங்கறது தான சரி??

நல்ல கவிதைய எதிர்பாக்கறவங்க நண்பர் அடலேறு எழுதின ஒரிஜினல் கவிதைய படிச்சுகோங்க.. இனி வருபவை மொக்கை மொக்கை.. மொக்கை மட்டுமே !

அடலேறு, முதல்ல வெரி சாரி.. ரெண்டாவது நடக்கபோற விபரீதம் தெரியாம அப்ராணியா படம் கொடுத்து உதவி செஞ்சதுக்கு நன்றி!! (இப்படி அப்ராணியா இருக்காதண்ணே.. )

என்னது?? பஞ்ச் டயலாக் சொன்னாதான் இப்ப எல்லாம் அட்வைஸ் செய்யறதா எத்துக்கறாங்களா?? சரி உங்க ‘தல‘( இல்லைனா ‘தள‘) எழுத்து!!

இங்க அனானியா கூட இருந்திறலாம் அப்ராணியா இருக்கவே முடியாது!! (நீங்க படிக்க கூடாதுன்னு தான் கண்ணு வலிக்கற கலர்.. அதையும் படிச்சுட்டு என்னை கொறை சொல்ல கூடாது!)

ஒரு வயசு பொண்ணுங்க.. சிலருக்கு அவள புடிக்கும்.. சிலர் அவள பாக்கவே மாட்டாங்க.. ஆனா ஒரு நாலஞ்சு பேரு திரும்ப திரும்ப அவள வந்து பாக்கறாங்க.. சில நேரம் நீ இப்படி இருக்கலாம், அப்படி இரு, இப்படியும் இருந்திருக்கலாமோனு  சொல்லீட்டு போவாங்க! அப்படி வந்து பாத்துட்டு ஏதாவது சொல்லீட்டு போறதுக்கு காரணம் அவள பிடிச்சிருக்கா இல்ல இன்னும் ஒரு வருஷம் கலுச்சு இவ நல்லா இருப்பானு நம்பிக்கையா இல்ல அந்த பொண்ண வெச்சு ‘தொழில்’ செய்யறவனோட இருக்கற நட்பா, இல்ல அவன் கூட இருக்கற பழக்கமா னு தெரியல!! ஆனா வருவாங்க.. அவளுக்கு ஆறுதலா நாலு நல்ல வார்த்த சொல்லீட்டு போவாங்க.. இவங்க எல்லாம் இல்லைனா அந்த ‘தொழில்’காரன் அவள என்னிக்கோ கொன்னு போட்டிருப்பான்!! அந்த தொழில் செய்யரவனும் அடிக்கடி வரவங்கள பாத்து “இந்த பொண்ணு நல்லா இருக்கா?” னு அடிக்கடி கேட்டுட்டே இருந்தான். அதுக்கு அவங்க சொன்ன பதில்…

இருங்க.. நான் உங்க கற்பனைல விளையாட விரும்பல.. நான் சொல்லற வயசு பொண்ணு என் எழுத்து தான்.. அவ ஒரு வயசு பொண்ணு தான் ஆனா ஒரு “வயசு பொண்ணு” (நன்றி திரு ரா. பார்த்திபன் சார்!)..

நேத்து தான் பதிவு எழுத வந்தா மாதிரி இருக்கு ஆனா நேத்தோட ஒரு வருஷம் முடிஞ்சுடுச்சு!! தொடர்ந்த வந்து ஆதரவு தந்த அனைவருக்கும் நன்றி!!

நான் சோர்ந்து போறப்ப எல்லாம் யாராவது வந்து ஆதரவு தந்தீங்க.. நன்றி நன்றி நன்றி!! ஆனா இந்த பதிவுலகம் என்னை சோர்ந்து போக வெச்சது தான் அதிகம்.. நான் படிச்ச வரைக்கும் என்னை விட எல்லாம் நல்லா எழுதறாங்க.. பொறாமையா இருக்கும்/ இருக்கு… சில சமையம் இனி மேல் எழுத கூடாதுனு கூட தோணும்.. (ஆனா இதுக்கு எல்லாம் பயந்தா “தொழில்” பண்ண முடியுமா னு போய்ட்டே இருக்கேன்!!)!! நான் இப்படி சொல்லறது பலருக்கு ஏதோ ‘பார்மல்’லா சொல்லற மாதிரி இருக்கும்.. நான் ஏதாவது கதை படிச்சு அசந்தா சரவணன் கிட்ட வழக்கமா சொல்லறது இது தான்!(அவன் திருப்பி “அப்ப நீ  எழுதறத நிறுத்து”னு சொல்லமாட்டான்ங்கற தைரியம் தான்!! வேற என்ன?) சமீபத்தில் அசந்தது ‘அடலேறு’வின் காதல் கவிதை !

 நான் இந்த பதிவுலகத்துக்கு ஒன்னும் உருப்படியா செய்யல!! இந்த பதிவுலகம் எனக்கு தந்தது என்னனு யோசிச்சா, நானும் அறிவாளி மாதிரி நடிக்க நிறைய யூஸ் ஆகுது.. யாரவது விடிய விடிய புக் படிச்சு அதுல இருக்கறத ஏதாவது விவாதத்துக்கு மேற்கோள் காட்டுவாங்க.. நாம அத படிச்சுட்டு நண்பர்கள் கிட்ட பேசும்போதும், இல்ல குடும்பத்துல பேசும்போதும், நம்ம தாத்தா காலத்து அரசியல அப்பா கிட்ட பேசும்போதும் “பெரியார் என்ன செஞ்சாருன்னா..” “அண்ணா ஒரு சட்டமன்ற கூட்டத்துல.. “னு அள்ளிவிடனும்.. (உண்மைய சொல்லுங்க.. நீங்களும் இப்படி தான செய்யறீங்க?? ).. அரசியல் வட்டம் இல்லாதவங்களுக்கு இருக்கவே இருக்கு சினிமா!!  கிம் கி டுக் தெரியுமா? லெமன் ட்ரீ தெரியுமா னு அடிச்சு விடுங்க.. அன்பே சிவம் படத்துல கமல் வாய்ல இருந்து செகப்பு கலர் ரத்தம் துப்புவாரு பாத்திருக்கியா? அது ஒரு குறியீடுனு சொல்லுங்க.. அவங்களுக்கு என்ன மறுத்து பேசவா போறாங்க? நீங்க தான் அவங்கள பொறுத்த வரைக்கும் அறிவாளி வட்டத்துக்குள்ள போய்டீங்களே.. அப்படியும் ஏதாவது ஆர்வகோளாறு என்ன குறியீடுனு கேட்டா, ரத்தம் செகப்பா இருந்துச்சு பாத்தியா அது அவரு கம்யூனிஸ்ட்ங்கற குறியீடுனு வாய்க்கு வந்தத சொல்லுங்க!! நம்புவாங்க! ரத்தம் வேற என்ன கலர்ல டா இருக்கும் ங்கொய்யாலனு எல்லாம் கேக்க மாட்டாங்க! ஆனா அப்படி செய்யும்போது தமிழ் இணையம் பக்கம் வராத ஆளுகளா பாத்து கூட்டு நாட்டு வெச்சுக்கறது உங்க சாமர்த்தியம்!! அப்புறம் இந்த வார்த்தைய சொல்லாமா தமிழ் இணையம்னு சொன்னா வரலாறு மட்டும் இல்ல “காட் பாதர்” கூட என்ன மன்னிக்காது.. “பின்நவினத்துவம்” .. ( அந்த வார்த்தைய எப்படி வாக்கியத்துல அடக்கறதுனு இந்த சின்ன குழந்தைக்கு  தெரியாததால ஒன்னும் சொல்லல..! )

 சரி கடைசியா.. இல்ல வேண்டாம்.. இது கடைசியா சொல்லறதா இருக்காதுங்கற நம்பிக்கையோட

நன்றி நன்றி நன்றி !! நெக்ஸ்ட் மீட் பண்ணுவோம் !!

நானும் பெரிய இவன் மாதிரி கதை, பெரியார் பத்தின பதிவு எல்லாம் போட்டு பாக்கறேன், நம்ம கடை காத்து வாங்குது… சரி இது எல்லாம் சரி வராது கவிதை தான் நம்ம ரூட்டுனு முடிவு செஞ்சு எழுத ஆரம்பிக்கறேன்..

இனி என் இந்த செயல்களுக்கு அந்த வடிவேல் முருகன் தான் துணை இருக்க வேண்டும் !!

அடாவடியாக என் கரம் பற்றி இழுத்து

நீ “ஐ “லவ் யூ” சொல்கையில்

கேட்க நினைத்தேன்

“ஏன் இந்த கொலை வெறி?”

நாம் காதலிக்க ஆரம்பித்த பின்

உன் தங்கையை பார்த்தேன்

“அடடா வடை போச்சே!!”

அவளை பார்த்த நான் பார்த்து கொண்டே இருந்தேன்

என்னை பார்த்த நீ கேட்டாய்

சுடிதார் அழகா இருக்கு இல்ல ?? –

“இன்னுமா என்ன இந்த உலகம் நம்புது?”

என்னருகே வந்த அவள் ஹாய் என்றாள்

நானும் ஹாய் டார்லிங் என்றேன்

பாக்கத்தில் இருந்த உன்னை பார்த்தாள்

“விடுங்க பாஸ் இதுக்கு எல்லாம் பயந்தா தொழில் பண்ண முடியுமா?? “

உன் குடும்ப புகைப்படத்தில்

உன் அப்பா, சித்தப்பா, மாமா, அண்ணன் என

வரிசையில் நிற்கும்போது புரிந்தது –

“இது ரத்த பூமி”

சினிமா,

மல்லிகை பூ,

அல்வா,

தங்க வளையல்,

தங்கைக்கு வளையல்,

விடுமுறை பிக்-அப்

வீடுவரை டிராப்

“உஸ்ஸ்ஸ் இப்பவே கண்ணகட்டுதே”

தொடர் பதிவுக்கு அழைத்த நட்பு பாசகிக்கு நன்றி நன்றி நன்றி!!

கடவுள் உண்டா?

நேத்து தலைவரோட முத்து படம் பாத்தேன்.. அதுல ஒரு வசனம் “சாமிய உள்ளவே வெச்சுகிட்டு வெளிய தேடறாங்க”.. எனக்கு பிடிச்சுது..

“மனுஷன் மனுசன பாத்துகிட்டா தான் கடவுள் மனுசன பாப்பார்”.. என்ன எங்கேயோ கேட்ட மாதிரி இருக்கா? பஞ்ச் நல்லா இருக்கானு மட்டும் பாருங்க.. அதுக்குள்ள ஆராய கூடாது..

காதல் மனிதனுக்கு அவசியமா?

காதல் அவசியம் தான்.. ஆனா அந்த காதல் நியாயமா இருக்கணும்.. நிறைய பேர், உலகத்துல எல்லோரும் காதலிச்சா உலகமே பூந்தோட்டமா இருக்கும்னு எல்லாம் சொல்லி கேள்வி பட்டிருக்கேன்.. என்ன பொறுத்த வரை அது எல்லாம் சுத்த பேத்தல்.. உலகத்துல பாதி சண்ட காதலுக்கு தான் நடக்குது.. ஒன்னு பொண்ணு இல்ல மண்ணு !! முக்கியமா பெண்ணுக்காகனு சொன்னேன் இல்ல? அதுல பாதி பெத்த பொண்ணுக்காகவும் காதலிச்ச பொண்ணுக்காகவும் நடக்கற நியாயமான சண்ட.. (உஸ்ஸ்.. சொந்த வாழ்க்கை எப்படி எல்லாம் உள்ள கொண்டு வர வேண்டி இருக்கு )

பணம் அவசியமா?

பணம் அவசியம் தான்.. அது அத்யாவசியமும் கூட.. அதனால அது மத்தவங்களுக்கும் தேவை படும்னு நெனச்சு பதுக்கி வைக்காம இருக்கணும்!

இதுவே கவி. வைரமுத்து மாதிரி சொல்லனும்னா “செல்வம், செல்லரித்து போகாமல் பார்த்துகொள்” !!

தளபதி படம் பாத்தவங்க மனசுக்குள்ளவே ரீமிக்ஸ் செஞ்சுக்கோங்க “கலெக்டர் சார் நீங்க என்னிக்காவது ஏழையா இருந்திருக்கீங்களா? பாக்கெட்ல காலணா இல்லாமா ஒரு அட்டு பிகர் கூட கிடைக்காம தெரு தெருவா சுத்தீருக்கீங்களா??”

அழகு என்பது என்ன? நிரந்தரமானதா?

நான் வேற என்னங்க சொல்ல போறேன்… பெண்கள் தான்!! நிரந்தரமா இல்லையாங்கறது உங்கள பொருத்து இருக்கு.. ஸ்டெல்லா காலேஜ் பொண்ணுங்க அழகா இருப்பாங்க னு சொன்னா அது நிரந்தரம். ஸ்டெல்லானு ஒரு பொண்ணு அழகா இருப்பா னு சொன்னா அது நிரந்தரம் இல்ல.. நீங்க ஒரே பொண்ண சைட் அடிக்கறீங்களா இல்ல ஒரே காலேஜ் பொண்ண சைட் அடிக்கறீங்கலானு பொருத்தது! ஒரே காலேஜ்னாவே அப்படி.. என்ன மாதிரி யாவரும் கேளிர் னு இருக்கறவங்களுக்கு அழகு நிரந்தரம் தான?

கொஞ்சம் ஓவரா இருக்கோ?? சரி விடுங்க.. எல்லாரும் சீரியஸா பேசியாச்சு.. நானும் எதுக்கு சீரியஸா பேசணும்?

அடுத்து, எங்க கிளாஸ் (அதாங்க LKG ‘C’)  மொழில சொல்லனும்னா .. மாட்டி மாட்டி  !!

குந்தவை அக்கா!! (இப்படியாவது நீங்க ஒரு ப்ளாக் போடுங்க அக்கா.. இப்ப எல்லாம் நெம்ப நாள் கடத்தறீங்க!!)

அடலேறு (மச்சி, நீ இந்த கேள்விகளுக்கு எல்லாம் கவிதையா பதில் போட்டு அசத்து மச்சி!)

டிஸ்கி: தொடர் ஆரம்பிக்கும்போது தலைப்புல எந்த வரிசைல இது எல்லாம் இருந்துச்சுனு தெரியல.. நான் தான் இந்த வரிசைல போட்டிருக்கேன்!

அதனால தலைப்பை நல்லா பாத்து அதுல “அழகு – நான்” என்பதில் இருக்கும் உள்குத்தை கவனிக்கும்படி கேட்டுகொள்கிறேன் (உங்களுக்கு விளக்கம் சொல்லியே…)

அண்ணா நூற்றாண்டு விழாவை முன்னிட்டு கலைஞர் டிவில சிறப்பு நிகழ்ச்சிக்கு வந்த க.வீரமணி அவர்கள் தந்தை பெரியார் வாழ்கைல நடந்த ஒரு சம்பவம்/உரையாடல பகிர்ந்துகிட்டார்!! அது எனக்கு ரொம்ப ரொம்ப பிடிச்சுது.. அந்த நிகழ்ச்சி ஒளிபரப்பு ஆனது அலுவலக நேரம்.. அதனால நிறைய பேர் பாத்திருக்க மாட்டீங்க.. சோ உங்களுக்காக..

***
பெரியாரிடம் ஒருத்தர் கேக்கறார் ..

அய்யா.. நீங்க சொல்லறது எல்லாம் எனக்கு பிடிச்சிருக்கு.. வயசுல பெரியவர் நீங்க சொன்னா சரியா தான் இருக்கும்.. ஆனா எங்க சாமிய (சாமி சிலையை காட்டி) கல்லுனு சொல்லறீங்களே ?

நான் எங்கப்பா சாமிய கல்லுன்னு சொன்னேன்? வெறும் கல்லை தான் கல்னு சொன்னேன்..

(மௌனம்)…

சரி வேணும்னா வா.. அந்த கல்ல நான் உடச்சு காட்டறேன்.. வெறும் கல்லு தான் அது.. அதுக்குள்ள இருந்து சாமி எல்லாம் வராது..

என்னங்க அய்யா இப்படி சொல்லீட்டீங்க.. அந்த கல்லுல மந்திரம் எல்லாம் ஏத்தி சாமி ஆக்கிருக்காங்க..

ஏம்ப்பா, வெறும் கல்ல மந்திரம் ஏத்தி சாமி ஆக்க முடியும்னா நீங்க கீழ் சாதின்னு சொல்லற மனுசன மந்திரம் சொல்லி மேல் சாதி ஆக்கலாம் இல்ல ??

****

உங்களுக்கு பிடிச்சுதா ?

நான் கொஞ்சம் பயந்த சுபாவம். அதுவும் என் மேனேஜர பாத்தா ரொம்ப பயம்!! நேத்து திடீர்னு அவரு என்ன அவர் கேபினுக்கு கூப்டார். நானும் போனேன்.. அவரு என்ன நினச்சாரோ, “இன்னைக்கு ஒரு ஒம்போதரை வரை நீ ஆபீஸ்ல இரு. கால் இருக்கு. அப்புறம் கிளம்பு”னு சொல்லீட்டு கிளம்பிட்டார். இத்தனைக்கும் எனக்கு பேய்னா பயம்னு அவருக்கு தெரியும். ஆபீஸ்ல எப்படி நான் தனியா இருப்பேன்? ஆபீஸ்ல பேய் இருக்குன்னு வேற சொல்லிக்கறாங்க.. இன்னைக்கு வெள்ளிகிழமை.. பொண்ணுங்க எல்லாம் கொஞ்சம் ஒரு மாதிரி வந்திருப்பாங்க.. அத வெச்சு யாராவது அப்படி சொல்லிருக்கலாம்.. அதனால ஆபீஸ்ல இருக்கறது கூட பரவால்ல, ஆபீஸ்ல இருந்து நான் எப்படி தனியா வீட்டுக்கு போவேன்? கூட யாரையாவது கூட்டிட்டு போலாம்னா வீட்டுக்காரம்மா விடமாட்டாங்க.. நீங்க வேற நேரம் காலம் தெரியாம மொக்க போட்டுட்டு.. நான் சொல்லறது ஹவுஸ் ஓனர்!

அதுவும் ஆபீஸ் ல இருந்து மூணு கிலோமீட்டர் போனா தான் மெயின் ரோடு வரும்.. இந்த மூணு கிலோ மீட்டருக்கு லைட் கிடையாது. பக்கத்துல பெரிய கம்பெனி வேலை ஒன்னு நடக்குது.. அதுனால கொஞ்சம் ஆள் நடமாட்டம் இருக்கும்.. ஆனா எல்லோரும் வெளியூர் காரங்க.. அந்த இருட்டுல ஒருத்தன் வந்து கைய காட்டி லிப்ட் கேட்டா அவன் மனுசனா பேயான்னு யோசிக்கறதுக்கு கூட எனக்கு தைரியம் இருக்காது. இதுல இந்த சீனிவாசன் வேற, இந்த இடம் ஒரு சுடுகாடாம். அந்த பெரிய கம்பெனி கட்டறதுக்கு வேலை செய்யற பல பேரு இங்க பேய பாத்திருகாங்கலாம்.. அதனால தான் அவங்க தனியா நடந்து போகாம கூட்டமா போவாங்க இல்லைனா லிப்ட் கேட்டு போவாங்கன்னு பத்த வெச்சுட்டான். இப்போ கம்பெனி முழுக்க அது தான் பேச்சு.

நானும் பயத்தோட உக்காந்து உக்காந்து யோசிச்சேன்.. நெகத்த கடுச்சேன்.. ச்ச இது என்ன புது பழக்கம்? நான் நேகத்தை எல்லாம் கடிக்க மாட்டேன்.. பயத்துல எதேதோ செய்யறேன்! கைய எச்சில் ஆக்குனா பேய் பிடிக்கும் சாத்தியம் அதிகம்னு “உடையார்”ல பாலகுமாரன் சொன்னது இப்பவா நினைப்புக்கு வரணும்? சீக்கிரம் போய் கைய கழுவனும். அப்படியே முகத்தையும் கழுவிக்கிறேன். நாளைக்கு பேபர் ல வரும்போது அழகா இருக்க வேண்டாமா? பேய் மூஞ்சில அடுச்சிருச்சுனா? எதுக்கும் மூஞ்சில அடிக்க வேண்டாம்னு இப்பவே ஒரு ரிக்வஸ்ட் லெட்டர் எழுதிக்கறேன். ஐயயோ இது தமிழ் நாட்டுல இருந்த கிராமத்து சுடுகாடு. இங்க இருந்த வர பேய்க்கு இங்கிலீஷ் தெரியுமா? எனக்கு வேற தமிழ் தப்பிலாம அடிக்க தெரியாதே. சரி விடுங்க வந்தா அப்படியே காலுல விழுந்திட வேண்டியது தான்.. அய்யய்யோ … பேய்க்கு வேற கால் இருக்காதே !! ஒரு பயம் வந்தா பரவால்ல.. இத்தன கேள்வி இத்தன பயம் வந்தா நான் என்னங்க செய்யறது ?

இன்னைக்கு கால் இல்லைன்னு சொல்ல இத்தன நேரம் வெயிட் பண்ண வெச்சுடாங்கா.. எல்லாம் நேரம்!!  சரி டைம் ஆச்சு.. நான் கிளம்பறேன்.. எதுக்கும் வண்டிய ஹை பீம் ல வெச்சுக்கறேன்.. அப்ப தான் பேய் வந்தா தூரத்திலேயே தெரியும்!!

முருகா. முருகா முருகா.. முருகா.. மு..மு.ரு.க்.கா

அட பயம் எல்லாம் இல்லைங்க குளுருல நடு..டுங்குது. அட சென்னைல குளிரா? இது ஏதோ வித்யாசமா தெரியுது இல்ல? இது சம்மர் சீசன் வேற. சம்திங் ராங்.

நிதானமா யோசிச்சா எல்லாமே ஒரு அமானுஷ்ய சக்தியா தெரியுதுங்க

1) எப்பவுமே கம்பெனி பஸ்ல வர நான், இன்னைக்கு என் வண்டில வந்திருக்கேன்
2) நெகத்த கடிக்காத நான் இன்னைக்கு கடிச்சிருகேன்
3) எப்பவுமே என் கருத்த கேக்கற என மேனேஜர் இன்னைக்கு அவரா என்னை இருக்க சொல்லீட்டார்
4) சென்னைல குளுருது.. (எனக்கு மட்டும்னு நினைக்கறேன்!)

இந்த சீனிவாசன் வேற, வெள்ளிகிழமை சாய்ந்தரம் பேய் வரும்னு சொல்லிருக்கான்! அம்மனுக்கு மட்டும் தான் வெள்ளிகிழமை உகந்த நாள்னு நினச்சேன். அவன் புதுசு புதுசா சொல்லி பயமுறுத்தறான்!

யாரோ ஒருத்தன் நிக்கறான்.. சாரி நிக்கறாங்க. மரியாதை இல்லாம பேசுனா பேய்க்கு கோவம் வந்திட போகுது. ஐய்யயோ.. கை நீட்டி லிப்ட் கேக்கறாங்களே. முருகேசா முருக்குடா வண்டிய. திரும்பி பாக்கலாம்னு பாத்தா, திரும்பி பாத்தா பேய் அறையும்னு நம்ம “பேயி”ஸ்ட் சொல்லிருக்கான்!

அப்பாடி மெயின் ரோடு வந்துடுச்சு.. பேய் ஒரு வேளை என்ன கண்ணு வெச்சிருக்குமோ? இன்னைக்கு வேற நான் ரொம்ப அழகா இருக்கேன். கண்ணு வெச்சிருந்தாலும் வெச்சிருக்கும். காலைலியே திருஸ்டி பொட்டு வெச்சிருக்கணும். இந்த பயத்திலையும் எப்படித்தான் எனக்கு மொக்க போடா வருதோ? இந்த மொக்கைக்காகவே என் மேல யாராவது பேய ஏவி விட்டாகூட ஆச்சிர்யப்படறதுக்கு இல்ல!

ஒரு வழியா வீடு வந்திருச்சு.. ஆனா எனக்கென்னமோ அந்த உருவம் என்ன பின் தொடர்ந்து வர மாதிரி தான் இருக்கு! பெருமாள் கோவிலுக்கு போய் சொர்கத்துக்கு போனும் சொர்கத்துக்கு போனும்னு வேண்டிக்கிட்டது தப்பா போச்சு! தூக்கம் வேற வர மாட்டீங்குது.. கண்ண மூடுனா பயமா இருக்கு.. தனியா இருந்து பயபடறவங்களுக்கு எல்லாம் டிவி தான ஒரே கதி? சரி டி.வி போட்டு பாக்க வேண்டியது தான்!

இதுலையும் பேய பத்தி தான் பேசறாங்க.. அட என்னங்க இது ரிமோட் வேற வொர்க் ஆகா மாட்டீங்குது!

யாவரும் நலம் படத்த நான் பாத்த மாதிரியே என்ன துரத்துன பேயும்  பாத்திருக்கும் போல… அது ஹிந்தி தெருஞ்ச பேயா இருந்து 13B பாத்திருந்தா என்ன செய்யறது? ச்சே..பயத்துல சம்பந்தம் இல்லாம பேசறனோ? சாரீங்க.. சந்தேகமே இல்ல, இது பேய் வேலை தான்..

ஏதோ பேய பத்தி நிஜ கதையாம்.. இத பத்தா, “முருகேஷ் னு ஒருத்தன் உயிரோட இருந்தான்னு” யாராவது கதை சொல்லவேண்டி வரும்! ஐயோ சேனல் மாற மாட்டீங்குதே..

என்னங்க இது பேய் பத்தி பேசறாங்கன்னு பாத்தா ஏதோ கிளுகிளுப்பா பேசிகிட்டு இருக்காங்க.. அட, என்ன சந்தேக படாதீங்க.. டிவி யா பாருங்க.. ஒருத்தர் மனசு ஒடுங்சு போய் பீச்ல உக்காந்தாராம், அப்ப ஒரு பொண்ணு வந்து பேச்சு கொடுத்துச்சாம்.. அப்படியே பேசி காதல் வந்திருச்சாம்.. அட திரும்பவும் சந்தேகமா, உண்மையாதாங்க சொல்லறேன்.. முழுசா கேளுங்க..

வேண்டாம் இப்பவே நீங்க என்ன சந்தேக படறீங்க, முழுசா சொன்னா நீங்க என்னை முழுசா நம்பமாடீங்க.. ஆனா கடைசியா தொகுப்பாளர் வந்து “இது எப்படி சாத்தியம் ஒருத்தர் எப்படி மோகினி பிசாசொட வாழமுடியும்? அதுவும் கணவன் மனைவியை போல்” னு அழுத்தி சொன்னார்.. வழக்கம் போல எனக்கு புரியல.. உங்களுக்கு ஏதாவது தப்பா புருஞ்சிருக்கும்.. ஆனா பழிய தூக்கி என் மேல போடுவீங்க…சரி பொது வாழ்க்கைனாலே தியாகம் தான?

அட இருங்க, சித்தரிக்க பட்டவைனு போடறான்.. ச்ச சித்தரிக்க பட்டது பீச்ல பாத்து பேசுனது மட்டும் தான்.. படு பாவி பசங்க!! இது சித்தரிக்க பட்டவை இல்ல..வெறும்  கத்திரிக்க பட்டவை !! ஆனா மோகினியா வந்த பொண்ணு செமயா இருக்கு.. பொண்ணுங்கள பேயா பாத்த என் கல் மனச, பேயையும் பொண்ணா பாக்க வெச்சிருச்சுனா பாத்துகுங்க..

பை தி வே, இன்னைக்கு வெள்ளிகிழமை.. அதுவும் ராத்திரி நேரம்.. மோகினி வர நேரம்.. என்ன வேற ஒரு உருவம் பின் தொடர்ந்து வந்த மாதிரி இருந்துச்சு.. சோ கேன் யு ப்ளீஸ்.. ??

* “ஸ்டே வித் மீ” னு சொல்லுவேன்னு நினைச்சீங்கனா இந்த கதையோட தலைப்பு “‘பயம்’ங்கர வியாதி”

* “கெட் அவுட்” னு சொல்லுவேன்னு நினைச்சீங்கனா, கதைக்கு நான் தலைப்பு வெக்க தேவை இல்ல.. நீங்களே பயங்கரவாதி னு என்ன திட்டிருப்பீங்க!!

டேய் புவனேஷ், இன்னைக்கு அவ செம அழகா இருக்கா டா.. காதல் அப்படியே பொங்கி வருது..

மச்சி.. இன்னைக்கு மழை வந்து குளு குளு இருக்கறதால எனக்கு யாரப்பாத்தாலும் அப்படி தான் டா பொங்கி வருது!

நாயே.. நான் காதல பத்தி பேசறேன் நீ என்னடானா? என் ஆளு இன்னைக்கு அழகா இருக்கா டா.. போய் ப்ரொபோஸ் செய்யட்டா?

சரி! ஆனா ஒரு லாஜிக் இடிக்குது.. நீ அழகான பொண்ணு பாக்கற மாதிரி அவளும் அழகான பையன் வேணும்னு சொல்லீட்டா?

 த்தூ.. அவ பஸ் ல இருக்கும்போது ஜன்னல் வழியா தான் பாத்தேன்.. என்ன டிரஸ் போட்டுருக்கான்னு பாத்து சொல்லேன்..

இன்னைக்கு ஓணம் ங்கறதால நயன்தாராவே அந்த சாண்டல் பொடவ கட்டீட்டு தான் பேட்டி கொடுக்கறாங்க..

நயன்தாரா பொடவ கட்டிட்டா? ச்சீ ச்சீ.. த்தூ த்தூ.. உவ்வே.. நல்ல வேல நமிதா கேரளால பொறக்கல.. அப்புறம் அவங்களும் பொடவ கட்டீருப்பாங்க அதையும் நாம பாக்கணும்..

மச்சி உன்னுது உன்னத காதல் டா..

ஏன் டா?

நயன்தாரானு சொன்னவுடனே உன் காதலிய மறந்துட்ட பாத்தியா.. அங்க நிக்கறடா..  வாழ்த்துக்கள் டா..

பக்கி.. பேச்ச மாத்தீட்டு ஏகதாளம் வேற.. சொல்லு.. இன்னைக்கு பண்டிகை, நான் போய் என் காதல சொல்லீரட்டா?

இதே வசனத்த தான் டா “கதக்களி” பண்டிகை அன்னிக்கும் சொன்ன ?

 கதக்களி பண்டிகையா ??

அது தான் டா நம்ம ஊர்ல தீபாவளினு சொல்லுவோம் இல்ல ?

 மொக்க.. கொஞ்சம் மொக்க போடறத நிறுத்து.. எனக்கு பிளாஷ் ப்ரண்ட்னு ஒரு நோய் இருக்கும் போல..

அது என்ன டா பிளாஷ் ப்ரண்ட்?

 பின்னாடி நடக்கறது எல்லாம் முன்னாடியே தெரியும் டா.. இப்ப கூட நானும் அவளும் நிக்கறோம்.. நீ கையுல ஒரு குழந்தைய வெச்சுட்டு நிக்கற.. இப்படி ஒரு காட்சி என் கண் முன்னால வந்து வந்து போகுது டா..

மச்சி அப்படியே நான் உன்ன கொலை பண்ணுவனானு அந்த பிளாஷ் ப்ரண்ட் நோய கேட்டு சொல்லேன்..

ஏன் டா ?

அப்புறம் என்ன டா? நீ உன் காதலியோட நிக்கற மாதிரி கனவு காணு.. அது என்ன என் கையுல குழந்தை?

டேய் அப்படி தான் அந்த காட்சி வருது.. சரி விடு எனக்கு நீ மலையாளம் சொல்லி கொடு..

நீ என்ன வேணும்னு கேளு..  நான் சொல்லறேன்..

ஒரு நிமுஷம் ..

ஒக்க நிமுஷம்..

மூதேவி அது கன்னடம்..

இப்ப நான் பேசுனது கன்னடம்.. ரைட்டு டா.. கண்டிப்பா அந்த பொண்ணு உனக்கு தான்..

டோர் க்ளோஸ்.. நீ எனக்கு மலையாளம் மட்டும் கத்து கொடு.. வேற எதுவும் பேச வேண்டாம்..

சரி கேளு..

ஒரு நிமுஷம் உங்க கூட பேசணும்..

நிங்களிடத்தே கொறச்சு சம்சரிக்கணும்..

டேய் நீ அதுக்குள்ள சம்சாரம் கிம்சாரம்னு ஏதேதோ சொல்லற?

சாமி.. மலையாளத்துல சம்சாரினா பேசுனு அர்த்தம்!!

சரி.. நான் உங்களை காதலிக்கறேன்..

நிங்களை பிரமிக்குன்னு

அப்படி வேண்டாம் டா.. ரெண்டே ரெண்டு வார்த்தைல சொன்னா அழகா இருக்காது.. “நான் உங்கள கல்யாணம் பண்ணிக்க ஆசைபடறேன்”னு சொல்லறதுக்கு மலையாளத்துல சொல்லு

இப்படி நாலு வார்த்தைல சொன்னா மட்டும் அழகா இருக்குமா ?

 சொல்லு டா..

ஞான் நிங்களை கல்யாணம் கழிக்க நினைக்குன்னு! .. எங்க சொல்லு??

ஞான் நிங்களை கல்யாணம் கழிக்கான் நினைக்குன்னு..

மேட்டர் ஓகே.. ஆனா இதவே நீ கொஞ்சம் மூக்குல சொல்லற மாதிரி சொன்னா பிச்சுக்கும் .. சொல்லு!

ஞான் நிங்களை கல்யாணம் கழிக்கான் நினைக்குன்னு..

அவ்வளவு தான் டா !

சரி இப்ப நீ என் கூட வா.. அவளுக்கு தெரியாம மறஞ்சு நில்லு.. நான் சரியா பேசலைனா எடுத்து கொடு..

டேய் இது எல்லாம் கொஞ்சம் ஓவர்.. இது எல்லாம் எங்க போய் முடியுமோ!!

********

ப்ரேமே..

நிங்கள் யாரானு??

நி.. நி.. ங்களிடத்தே.. நிங்களிடத்தே.. நிங்களிடத்தே கொறச்சு சம்சரிக்கணும்.. …

(மறைவாக இருக்கும் நான்: ஞான் நிங்களை கல்யாணம் கழிக்க நினைக்குன்னு!)

உங்க கூட பேசனும்னு வரும்போது மலையாளம் ஆலப்புழா அருவி மாதிரி கொட்டுது.. ஆனா நான் மலையாளம் பேசி அந்த மலையாளம் உன்ன தாக்கீடுமொனு நினைக்கும்போது.. வர மலையாளம் கூட நின்னுடுது.. பிரேமி பிரேமி.. !!

நிங்களு எந்தா பரயுனு ?? எனக்கு மனசில் ஆக்காம்ப்பாடில்லா! நிங்கள் கூட புவனேஷ் னு ஒரு வல்லிய சுந்தரக்குட்டன் உண்டல்லோ.. ஞான் அவரை பிரமிக்கின்னு.. நிங்கள் கொறச்சு அவரிடத்தே பறையுமோ?  

* அந்த நண்பன் மலையாள பெண்ணை காதலித்ததால் அவனை நாங்கள் மலையாளி என்று தான் அழைப்போம்.. தலைப்பில் இருக்கும் மலையாளி அவன் தான் ..(கதைல ட்விஸ்ட் எங்க வெச்சிருக்கோம் பாத்தீங்க இல்ல ?)

 * அவனுக்கு பிளாஷ் ப்ரண்ட் நோய் உண்மையா இருக்கும் போல தான் இருக்கு! அவன் பாத்தது நான், அவள், எங்க குழந்தை!! இது புரியாம அவன திட்டிட்டேன்.. இப்ப எதுக்கும் அவன் என்ன கொலை பண்ணுவானான்னு பிளாஷ் ப்ரண்ட்ட கேட்டு சொல்ல சொல்லணும் !

டிஸ்கி: உஸ்ஸ்ஸ்ஸ்ஸ்.. அடுத்து “சுட்டப்பழா” னு ஒரு மலையாள ப்ளாக் வேற ஆரமிக்கனுமா? முடியலடா சாமி (எங்களாலையும் முடியல னு சொல்லக்கூடாது!!)