பெண் விடுதலை.. கல்வி.. இன்னும் சில!!

நேத்து (மார்ச் 14) பேப்பர்ல ஒரு நியூஸ் பாத்து ரொம்ப கஷ்டமா இருந்துச்சு. பெத்த பெண் குழந்தையை (மூன்று நாள் குழந்தை) ஒருத்தன் கிணத்துல போட்டு கொன்னுட்டான்!! இது பெண் பிள்ளை பிறந்ததால் செய்த சிசு கொலை இல்லை!! இப்படி செய்தவன் ஒரு பாமரனும் இல்லை!! ஒரு படித்தவன்!! இதை இங்கே சொல்ல காரணம், நாம் நம் நாட்டில் நடக்கும் பெண் சிசு கொலை, வரதட்சணை கொடுமை, எய்ட்ஸ் என எல்லாத்துக்கும் காரணம் கல்வி அறிவு இல்லை என்ற அறியாமையில் இருக்கிறோம்!! இங்கே இந்த கொலையை செய்தவன் M.E படித்தவன். அதுவும் ஏதோ நாட்டில் உள்ள அறிவாளிகள் எல்லாம் குவிந்த ஒரு இடம் என்பது போல் ஒரு மாயை உள்ள ஐ.டி துறை! அதுவும் அங்கு புற்று ஈசல் போல் நுழையும் கூட்டத்துக்கு “வழிகாட்டி” யாக இருக்கும் ஒரு மேனேஜர்!

 

நம் நாட்டில் அதவும் சென்னையில் ரெண்டு முறை பள்ளி மாணவர்கள், சக மாணவனை கொலை செய்து உள்ளனர்! நிறைய தற்கொலை வேறு நடக்கிறது. அனைவரும் படித்தவர்கள்! சரியான மன பக்குவத்தையும் மன தைரியத்தையும் தராதது என்னை பொறுத்தவரை கல்வியே இல்லை!!

 

சரி இந்த சனியன் விஷயத்துக்கு வருவோம்.. போன வருடம் கல்யாணம்.. மனைவி கருவுற்றவுடன் கருவை அழிக்க சொல்லி உள்ளான்!! முடியாது என்று அந்த பெண் சொன்னவுடன் சண்டை.. கொஞ்ச நாள் பெண்ணின் பெற்றோர் அங்கே (பெங்களூரு) இருந்துள்ளனர்! பிறகு சென்னை வந்து பெண் குழந்தையும் பிறந்தது!!

பிரசவத்தப்போ ஏதோ காரணத்தால கூட இல்லைனா, குழந்தை பிறந்ததை தகப்பனுக்கு தகவல் சொல்லுவாங்க! இங்க இந்த மூதேவியை போய் மகளை பார்க்க அழைத்திருக்கிறார்கள்!! பிறகு, உறவினர்கள் அந்த பெண்ணை வற்புறுத்தி அவனுடன் அனுப்பிவைத்துள்ளனர்! அங்கே பெண்ணிடம் அன்பாக பேசிய அவன், குழந்தயை மட்டும் பார்க்கவில்லையாம்! பிறகு இந்த பெண்ணுக்கு மயக்க மருந்து கலந்த பாலை கொடுத்துவிட்டு, பிள்ளையை கிணற்றில் வீசயுள்ளான்!!

 

 இதை செய்ததற்கு காரணம் – அந்த பெண் வேலைக்கு போக வேண்டும் என்று கூறியுள்ளான்.. அவனை பார்த்து கெட்ட வார்த்தை கலந்து சில கேள்விகள் எனக்கு எழுகிறது! இருந்தாலும் இங்கே அதை சொல்ல விரும்பவில்லை. ஒரே ஒரு கேள்வி தான் “குழந்தை வேண்டாம்னு நினைக்குற நாய் எதுக்கு டா _______________? அப்புறம் அதுதான் நிமுசத்துக்கு நாலு தாட்டி “பேசறவன் தான் பிஸ்தா” னு விளம்பரம் போடறான் இல்ல, அத வாங்கி போட்டு தொலைய வேண்டியாதுதான?? ”

 

முன்னெல்லாம் வரதட்சணை கொடுமை மட்டும் தான்! இப்போ பெண் வேலைக்கு போகவேண்டும், முழு சம்பளத்தையும் மாமியாரிடம் கொடுக்கவேண்டும்! இப்படி Retail கொடுமைகள் வேறு!! இப்படி கேட்ட இவன் ஒன்னும் ஏழை இல்லை! இவன் பணக்காரன் என்று தான் சரியா விசாரிக்காம பெண் விட்டார் சம்மதம் சொல்லியுள்ளனர்!! இந்த சைகோ சிஸ்கோ என்ற நிறுவனத்தில் மேனேஜர்!! மாத சம்பளம் அறுபது ஆயிரம்!!

 

பெண் வீட்டாரிடம் ஒரு கேள்வி, குழந்தை பிறந்தால் பெண் அம்மா வீட்டில் தான் இருப்பாள்! இது தலை பிரசவம் வேறு! உங்கள் குழந்தயை ஏன் இப்படி வற்புறுத்தி அனுப்பிவைத்தீர்கள்? அதுவும் பிரசவித்த மூணே நாளில்?

 

கொஞ்ச நாள் முன்னாடி எங்கள் ரூமில் “நீயா? நானா?” பாக்கும் போது வந்த பேச்சு இது. அன்றைய தினம் டாபிக் “கல்யாணத்துக்கு பிறகு பெண்கள் வேலைக்கு போலாமா? வேண்டாமா?”

 

எங்கள் ரூமில் ஒருவன், “நான் வேலைக்கு போக கூடாதுன்னு தான் சொல்லுவேன்”

நான், “அவ இஷ்டம் டா, விரும்புனா போட்டும், இல்லைனா வீட்டுல உக்காந்து சீரியல் பாக்கட்டும். இதுல நாம முடிவு எடுக்க என்ன இருக்கு!”

அவன்,”வேலைக்கு போனா எல்லோரும் தப்பா பேசுவாங்க!!”

 நான், ” உனக்கு சந்தேகம் வரும்னு சொல்லு, அது என்ன ஊரு மேல பழிய போடற? ”

அவன், “எனக்கு வரவ போக வேண்டாம்.. அவ்வளவு தான்!”

இன்னொருவன், “ஏன்? காரணம் சொல்லைனா புவனேஷ் சொல்லறது உண்மை ஆகிடும்”

அவன், “பிரச்சனை வரும்டா”

 இன்னொருவன், “என்ன பிரச்சனை?”

அவன் பதில் சொல்லவில்லை..

(நான் அவனை இங்க சொன்னது, இப்படி காரணம் இல்லாமல் பெண்கள் வேலைக்கு போவதை தடக்கும் ஆட்களும் உண்டு என்று சொல்லத்தான். இத்தனைக்கும் அவன் ப்ராஜக்டில் நிறைய பெண்கள்! அவன் எல்லோரிடமும் நல்லா பேசுவான்! )

நான், “சந்தர்ப்ப சூழ்நிலை படி அவ போக வேண்டாம்னு இருந்தா, “போக வேண்டாம்னு சொல்லிருவேன்” ! எடுத்த முடிவு சரின்னு நான் சொல்லி புரிய வைப்பேன்! ”

 இன்னொருவன், “அப்ப மட்டும் நீ அவ சுதந்தரத்தை தடுக்கறது இல்லையா ?”

 நான், “இல்ல.. குடும்பம்னா சில நேரம் இப்படி இருந்துதான் ஆகணும்” இன்னொருவன், “நீ செய்ய வேண்டியது தான? அவள ஏன் செய்ய சொல்லற?”

இதற்கு நான் சொன்ன பதில் கடைசியா சொல்லறேன்.

அதுக்கு முன்னாடி ஒரு உண்மை சம்பவம் எனக்கு தெரிஞ்ச ஒருத்தருக்கு கல்யாணம் ஆச்சு! நல்லா படித்த பொண்ணு தான் ஆனா இங்கே பொண்ணு வேலைக்கு போகல! பையன் ஆபீஸ்ல கெஞ்சி, சண்டைபோட்டு அமெரிக்கா போனான்! கூடவே Dependents விசால அந்த பொண்ணும் போச்சு! அங்க போய் இந்த பொண்ணு எனக்கு போர் அடிக்குது வேலைக்கு போகட்டுமான்னு கேட்டுருக்கு! இந்த பையன் சரின்னு சொல்லிட்டான்!!

 

ரெண்டு மாசம் நல்லா ஓடுச்சு, அப்புறம் அந்த பையன் அங்கே வேற ஸ்டேடுக்கு relocate ஆகிட்டான்!! இந்த பொண்ண இந்த வேலை வேண்டாம், அங்க போய் வேற வேல பாத்துக்கலாம்னு சொன்னதுக்கு முடியாது நான் இங்கயே இருக்கேன், வீக்-என்ட்ஸ் பாக்கலாம்னு சொல்லிருக்கு.. அப்படியே Develop ஆகி இப்போ Divorce ஆகிடுச்சு! அவன் ஆபீஸ்ல சண்ட போட்டு அங்க இருந்து இந்தியா வந்துட்டான்! இந்த பொண்ணு “Dependents” விசால போனதால அங்க இருந்து தொரத்தி விட்டுடாங்க!

 

இந்த பெண்ணை நான் குறை சொல்லவில்லை! ஆனால் இங்கே அவன் சொன்னதை கேட்டிருக்கலாம்! அப்புறம் மேடை ஏறி பெண் சுதந்திரம் பேசும் பெண்கள் எல்லாம் தன் குடும்பத்தோட சந்தோசமா இருப்பாங்க.. அவங்களுக்கு தெரியும் குடும்பனா விட்டு கொடுத்து போகனும்னு!! அவங்க பேசறத கேட்டுட்டு அதா முழுசா புருஞ்சுக்காதவங்க சின்ன விஷயத்துக்கு சண்ட போடறாங்க.. அப்புறம் அது பெரிய சண்டை ஆகுது! ஒரு விசு படத்துல வரும் “நான் வாங்கியிருக்கறது சுதந்திரம்.. நீ வாங்கியிருக்கிறது விடுதலை..”. அது தான் இங்கே நடக்குது!

திரும்ப எங்க நீயா நானா பிரச்சனைக்கு வாங்க. நாங்க பேசுன சந்தர்ப்ப சுழ்நிலை அம்மா அப்பாவை கவனிக்கிறது, குழந்தைகளை கவனிக்கறது போன்றவை!

 அவனுக்கு நான் சொன்ன பதில்: நான் வீட்டில் இருந்தால் ஊரு தப்பா பேசும்!! ஹி ஹி!

இதுவரை மூலையில் இருந்து வேடிக்கை பார்த்த அவன் நான் ஏதோ தோற்று விட்ட உற்சாகத்தில் குதித்தான்.. நீங்க சொல்லுங்க மக்கா நான் தோத்துடேனா??

 

சரி, அந்த கேள்விக்கு சீரியஸ் ஆனா பதில், எனக்கு தாலில கூட நம்பிக்கை இல்லை.. அதுக்காக நான் தாலி கட்டாமத்தான் குடும்பம் நடத்துவேன்னு சொல்லமுடியுமா? சில விஷயம் ஊரோட ஒத்து தான் போகணும்!